陈柏宇(陈柏宇高空唱“有天” 盼与囡囡拍拖坐缆车)

陈柏宇高空唱“有天” 盼与囡囡拍拖坐缆车

陈柏宇日前拍摄由昂坪360举办的《360°天际柏住唱》，在“全景缆车Crystal+”车厢中唱出多首情歌，其中包括百万点撃作“有天”。被问到同“THE FIRST TAKE”版本有何分别，Jason指在缆车上唱歌有另一种滋味：“好有冲上云霄嘅感觉，唱嗰一刻真系喺天度，真系好啱喺呢度唱。”他更表示呢日忘记带“耳机”演出，笑指车厢唱歌的环境与录音室相似：“因为缆车唱歌冇观众，而且车厢都冇咩回音，配埋咁开扬嘅景观，成个感觉都好特别。”

陈柏宇仲卖口乖话想同家人嚟多次郊游，不过“出口术”话同囡囡“拍拖”唔带老婆同行：“其实我都想同囡囡搭吓缆车，上次一齐嚟都已经系年半之前，当时车厢都冇咁靓同整块透明玻璃，佢依家四岁再嚟，应该识好多嘢嘅年纪，我估佢会好开心，不过太太就有啲畏高，依家刚刚生完唔好吓佢啦。”

虽然太太刚诞下爱女，Jason亦努力为新歌宣传：“上只碟个奋斗感会好沉重嘅，下张新碟会有开心嘅气氛。”他希望歌曲可以为粉丝带嚟正能量：“有很多粉丝由我出道以来就支持我，虽然已经十五年，但仍然愿意花心思俾Surprise我，喺演唱会上同导演、乐队夹好嚟个惊喜大合唱环节，听到前奏嗰下我完全无谂过，以为只系间场音乐，脑海一片空白，所以衷心多谢佢哋。”

《360°天际柏住唱》将于3月23日晚上9时于昂坪360 Facebook专页播出。